高清图库--江西频道--人民网
健力（英语：powerlifting），是一种借助举起杠铃来锻炼肌肉个运动项目，分成深蹲、卧推、硬拉三只分项。伊虽然发源自举重，但脱仔奥林匹克举重是两种勿一样个竞技项目，健力举起杠铃（英语：Barbell）个动作方式、可以用或穿着个辅助器材全部特之奥林匹克举重勿一样[1]。
虽然健力与奥林匹克举重都拿总举起重量加起来作为得分计算个基础，但健力三项脱仔奥林匹克举重两项之间勿可以拿成绩来直接比较，因为箇里向每只分项个动作方式侪勿一样。对健力选手来讲，按每只分项比较重量成绩也特之比较总成绩一样具有分析价值。
健力也被当作其它运动个基础负重训练，因为做起来是利用顶短个推举距离，来做好三记顶基本个举重动作，目的是用用个种简化动作来尽量举起最重个重量，实际浪，相对于动作还要复杂、需要更加大个力气个奥林匹克举重，一个人勒健力各分别单项举得起个杠铃重量一般性会得超过伊举重个成绩，所以健力根据外文翻译过来个意思又叫做「力量举重」或者「超级举重」（英语：Powerlift）。
竞赛规则跟方式
[编辑]根据比赛组织者（协会、联盟）个不同规定，每一位运动员勒一只单项上可以有3趟或者4趟个试举机会。伊勒每只单项上不犯规个顶好成绩，就加起来变成伊个总成绩。来勒两位或更多位运动员获得三项总成绩一样个情况，就让体重比较轻个运动员名次排勒前头。
勒比赛辰光，运动员是按照相同性别、体重级别、年龄段分开来竞争名次。
不同个健力组织对伊举行个比赛里选手允许使用及佩戴个装备有得勿一样个规则。一般性来讲，有装备及无装备是作为比赛个勿同分项来分开来计算成绩跟排名次。要晓得个方面个详细规定，请侬耐心看下去到「装备规则」个部分。
勒大部分健力比赛里，男选手特之女选手全部是用一样长个杠铃。但健力举用个杠铃棒头可以有7'英尺、2.2米等不同长度；杠铃片可以用45磅、20公斤等不同重量或单位；还有28毫米、28.5毫米、29毫米等不同握杆直径。就拿美国作比方，勒有些健力联盟举办个竞赛，蹲举项目会得用杠铃棒更加长而且杠铃片有65英磅（29千克）重个蹲举杠铃（Texas bar或Squat bar）。另外一眼健力比赛里，女选手个各只单项会另外用比较短又比较轻个女士杠铃。但所用杠铃个规范并勿影响选手总成绩个计算或世界上个排名。
健力比赛三只单项个介绍
[编辑]深蹲
[编辑]运动员立勒深蹲架后面，而杠铃已经摆好勒深蹲架上。伊从后头捏牢杠铃棒，拿起杠铃摆到自家个斜方肌上，内么伊收缩肩胛骨，让肩胛骨、斜方肌、三角肌后束形成“杠铃支撑架”。两只手握个当中距离越短，“杠铃支撑架”就越吃得起力。个种低杠深蹲姿势可以让杠铃棒更加接近运动员身体个重心，在运动过程中可以更加有效地利用伊臀部个力量。接下来运动员扛起杠铃后退（有些健力比赛个规则是用一只单吊(monolift)来勒运动员准备好下蹲之前能够一直支撑住杠铃）再蹲下去，一直蹲到髋关节低于膝关节再立起来。深蹲当中会得被裁判员判定成失败个情形是：立起来当中动作出现任何下降、助手碰到杠铃、蹲下去个深度不够、勿是单靠自家个力量拿杠铃摆回到深蹲架。目前个全装备深蹲世界纪录是被现在定居勒美国个以色列运动员Vladislav Alhazov创造个1,250英磅（570千克）。
卧推
[编辑]运动员悃勒卧推凳上。靠助手个帮助从卧推架上把杠铃拿下来，让杠铃下降到胸部后暂停，再朝上推起，一直到拿自家两只臂膊伸直，最后再拿杠铃摆回到卧推架上。会得被判失败个情形包括：杠铃朝上推起前呒没暂停（勒某些比赛中，是规定由裁判发出指令确认暂停），杠铃棒呒没碰到胸部（但勒交关比赛个规则里，杠铃棒接触肚皮也算可以，这就可以拿杠铃运动距离缩短交关），杠铃上升过程中碰到卧推架，杠铃上升当中动作出现任何下降个移动，双脚移动，臀部离开凳面。全装备卧推个最高纪录是Ryan kennelly创造个1,050英磅（480千克）。
硬举
[编辑]个辰光杠铃是摆勒地板上。运动员朝前弯腰来握牢杠铃棒，拿杠铃朝上拉起，直到腿部和背部伸直。接下来要勒掌握好个情况下拿杠铃摆到回地板上（一般是根据裁判发出个指令）。失败个情形包括：人呒没立直，杠铃上升当中动作出现任何下降个移动，利用杠铃跟大腿个摩擦向上助力。有辰光，如果运动员将杠铃掼勒地板上，也会被判失败。全装备硬拉个最高纪录是运动员Zydrunas Savickas创造个1,155英磅（524千克）。
健力跟奥林匹克举重个比较
[编辑]跟奥林匹克举重相比较，健力个杠铃运动距离要短得多。
个两项运动分别流行勒世界浪不同地域。奥林匹克举重主要勒东欧特之亚洲（像俄罗斯、土耳其、伊朗、中国等国家）流行，而健力主要流行于西欧跟北美。但个项运动勒世界各地都有人参加跟竞赛，所以俄罗斯、乌克兰、波兰、印度尼西亚、台湾也出过力量举重个世界冠军特之世界纪录创造者。
健力运动员比赛使用装备个各种规则
[编辑]不同个健力组织（协会、联盟）所举行个竞赛有勿一样个装备规则。有些组织，像ADAU和100% Raw，禁止使用健力装备。但另外一些组织，像IPF和AAU，只允许使用单层聚酯纤维个卧推马甲、硬拉马甲、深蹲马甲、护膝、护腕、举重腰带。还有一些组织，像 IPA和WPO，允许使用背部开口或勿开口个卧推马甲，多层卧推马甲，材料可以是帆布、粗棉布、聚酯纤维等。勒不同健力组织一道举办个同一项赛事里，一般会分别设置允许使用装备健力举、无装备健力举作为两组赛事，分不同个时间比赛，而且分别纪录不同个记录和得分成绩。
健力目前个各项世界纪录及保持者
[编辑]- 全装备深蹲：戴夫·霍夫（Dave Hoff） 个577.5千克（1,273英磅）
- 无装备深蹲：瑞伊·奥兰多·威廉斯（Ray Orlando Williams）个490千克（1,080英磅）
- 全装备卧推：提尼·米克尔（Tiny Meeker） 个500千克（1,100英磅）
- 无装备卧推：朱利叶斯·马多克斯（Julius Maddox）个782.6英磅（355.0千克）
- 全装备硬拉：哈弗波·朱利尔斯·比昂森（Haftór Júlíus Bj?rnsson）个501千克（1,105英磅）
- 全装备硬拉：扎德鲁纳斯·塞维克斯（Zydrunas Savickas）个1,155英磅（524千克）（轮胎）
- 无装备硬拉：本尼迪克特·马格努森（Benedikt Magnússon） 个1,015英磅（460千克）
- 全装备力量举总成绩：唐尼·汤普森（Donnie Thompson）个1,318千克（2,906英磅）
参考来源
[编辑]- ↑ 《认识健力》，中华民国健力协会. 原始文档勒2025-08-06存档. 访问日脚2025-08-06.
外部连结
[编辑]- （英语） 国际健力联合会（IPF） 档案，存勒互联网档案馆当中。（2008年5月16号）
- （中文） 中华民国健力协会
- （中文） 香港健力联盟 (HKPF) 档案，存勒互联网档案馆当中。（2019年6月30号）
- （英语） 互动举重数据库 档案，存勒互联网档案馆当中。（2020年12月15号）